Ladai kis bhai behen m nhi hoti, sab m hoti hai, humare beech bhi hoti h, bas fark itna hai ki humare beech thodi jyada hoti h. Alag hi level, aise jaise ek dusre ko galat prove krana har bari kafi jaruri ho. Har bari ek aisa comment jiska samne wale k pass koi jawab na ho. Kabhi kabhi aisa lagta hai ki jaise ek dusre ko tiyar kar rhe ho verbal jung k liye. Ohh god!! sochne p hi thak jati hu mai, par ladna hota hai to pta nhi kha se energy aa jati h.
Aisa hi ek incident hua jisme achanak se ladte ladte maine bhai ko bola, acha hota ki tu uss raat humko milta hi nahi, humko tujhe bardast nhi karna padta. I swear mujhko pta bhi nhi ki ye thought mere dimag m kha se aa gya (chal jhuti). I was also very surprised, thoda guilt ho rha tha par ek taraf apne apko praise bhi kar rahi thi. Khud ko bol rhi thi, "bhai sahab kya point mara h, iska come back to ho hi nhi sakta". Comeback to nahi mila par sab kho gaye uss incident ki yaado m.
To baat kuch uss jamane ki hai jab m 1st class m hua karti thi, yani januray 2000 k as pass ki (kafi budhi ho gyi ho) aur hamara dulara bhai kuch 4 ya 5 saal ke. Abhi to ye janab itne shaitan h par bachpan m iska ekdum opposite, ekdum massom, itna masoo ki mujhko didi bolta tha, can u imagine (i know). To mahashaye itne seedhe the ki agar unse unke ghar walo ka naam, pata puchta to unke pass koi jawab nahi tha. Aur ye hi wajah thi jo iss incident to hum sabke k liye thoda darawna bna deti hai.
Humne naya ghar liya tha, ye ghar humara school k bohot pass aur purane ghar se kafi dur tha. Naya ghar tha to residential area m, par thoda dur chalne par ekdum akela aur sunsaan area aa jata h, jha par din m to theek h par raat m to dur dur tak koi aata jata nahi tha, upar se sardiyoon ka time.
Kyuki abhi grah pravesh nahi hua tha to hum log naye ghar m shift nahi hue the par kabhi kabhi mummy papa aakar ghar ki safai ya fir dekh bhal kar jate the. Ek din mummy ko pta nahi kya shauk chada, wo hamari house help ko boli ki chalo aaj uss ghar chalkte h aur wha ache se safai karke aate hai. Wo aunty bhi maan gaye par bole ki mere sath meri grand daughter bhi chalegi. Ab baat kafi purani hai to grand daughter ka naam nahi yaad mujhko, so let's assume it to be X, (ha kisi ki X to hogi hi). To ab mummy, aunty, m, mera bhai and X din m naye ghar gaye. Wha jaa kar mummy logo n jaam kar safai ki, aur hum logo n bhot masti. Itna mehnat kiya ki time ka pta hi nahi chala. Ab 8 baj chuke the aur kafi andhera ho chuka tha. Upar se papa ko bhi nahi pta tha ki hum naye ghar aaye hue h, to wo bhi tensed honge. Ye soch kar mummy aur aunty n decide ki ab sara saman yaha chod kar hume wapis jana chahiye.
Sab ricksha ka wait kar rahe the, aur dur dur tak koi ricksjaw nahi thi. Ohh sorry ! maine btaya nahi na, hum din m rickshaw m aaye the (baniya u know). Ab itna time ho chuka tha ki ab koi ab kisi tarah rickshaw mil jaye aur hum ghar chale jaye. Itne me mummy ko ek rickshaw dikha aur hum sab uss rickshaw par load ho gaye. Din k time to aram se rickshaw mil gya tha to 2 rickshaw m aa gaye the par abhi k halat dekh kar ek mil gaya ussi ki khushi thi sabko.
Uss rikshaw m hmara sitting arrangment kuch iss tarah ka tha ki mummy aur aunty being bade log aage baithe the, X aur m left and right side p face karke aur mera bhai middle m in the backside of rickshaw. To ab hum thodi dur tak aa chuke the and we entered that sunsan area. Par hum bache the, humko kya fark padna tha, hum apni masti m apni apni jagah baithe the. Itne m meri mummy n peeche turn kiya aur dekha ki mera bhai rickshaw m nahi tha, mummy ne chilaya ki "vipin kaha hai" (vipin bhai ka naam hai), mujshe pucha ki vipin kaha gaya, par bcoz hum side face krke baithe the to mujhe koi idea nahi tha. Par uss time daar itna lag raha tha ki jaise maine hi usko gayab kar diya ho. Rickshaw wale n rickshaw roki aur sab apni nazare daudane lage. par kyuki kafi andhera aur kohra tha to dur dur tak kuch dikhai nahi de raha tha.
Itne m ek bus uss sadak p enter ki, aur uski head light se thoda hi aage ek bacha sadak se utha aur daudne laga. Peeche se full speed m bus aa rahi thi aur uske thodi hi aage wo bacha daud raha tha. Hume samajh nahi aa raha tha ki ho kya raha hai. Itne m hi dikhai diya ki wo bacha aur koi nahi mera bhai tha, vipin, joki bina kuch soche samjhe rickshaw ki taraf daud raha tha. Ye sab kuch with in the fraction of second hua ki samjh nahi aaya ki kya karna hai. Mummy n apnehosh sambhale aur zor se chilai "vipin peeche bus hai, dekh kar, side hoja,". Iss waqt mummy ko vipin ki halat se jyada darr uska bus k samne daudne ka tha. Ho bhi kyu na, itna chota tha wo aur upar se masoom, main road p bus k aage daudne ki training bhi nahi mili thi usko (besharam). Hasshh, par kuch nhi hua, aur wo daud kar mummy ko chipak gaya.
Hona kya tha, wo ro raha tha aur usko dekh kar mummy aur mummy ko dekh kar m ro rahi thi. Baki sab kafi pareshan the. Kisiko samjh nahi aa raha tha ki bus ka aana ek bane tha ya boon, kyuki agar wo nahi aati to shyd humko vipin nahi dikhta, aur agar wo usko hit kar deti to kuch bachta bhi nahi. Par thank god kuch nahi hua aisa. Rickshaw wale bhaiya apne apko kosne lag gaye ki "tujhko pta tha ki kapda majboot nahi hai fir bhi bache ko peeche bitha diya". Peeche dekha to kapda fatta hua nahi tha par pta nahi wo neeche kaise gir gaya. Humme bi daat sunne ko mili ki bhai ka dhyan nahi rakh sakte the kya. Uss pure raste vipin mummy k gaale lag kar rota raha aur mummy usko gaale laga kar. Uss din k baad vipin kabhi rickshaw k peeche nahi baitha ur na hi usko kisine force kiya.
Ghar jakar mummy n sari baat papa ko btai aur kafi rone lagi. Kuch dino tak bhi mummy ro padti thi ye soch soch kar ki agar wo peeche mud kar nahi dekhti to shayad pta bhi nahi chalta ki vipin rickshaw m nahi h. Wo itna chota aur shareef tha ki kisko ko apna ghar, parents ka naam bhi nahi bta pata. Aur shayad humko pta bhi nahi chalta ki wo kaha gaya. Kafi time laga sabko uss incident se bahar aane m, especially mummy aur vipin ko.
Ab kafi chahal pehel rahti h uss ratse p, aur iss ladai k baad jab bhi hum uss ratse se gujarte h to m bhai ko bolti hu, tujhe mummy ki bar bar check karne ki adat n bacha liya warna yai kai bheek mang raha hota aur hume pta bhi nahi chalta ki tu hmara hi h. Aur aaj tak uske pass isska koi comeback nahi hai.
