Days have changed now, puri duniya pareshan hai to mai kyu nahi. Main to tab bhi pareshan rehti thi jab duniya me koi pareshani nahi thi. Actually mera bhai bolta hai ki tu isiliye pareshan hai ki teri zindgi mai koi pareshani nahi hai. Ho sakta hai, wo pagal hai , kuch bhi bolta hai, literally kuch bhi.
To ab pareshani ye hai ki, i have shifted from chennai to Haryana, (hamesha k liye nahi but sirf kuch din k liye), so now i am at home. Home yani ki ghar, jha 3 ajnabee log (maa, papa and bhai) k sath pichle 4 saalo me total mila ke kuch 35 days spent kiya hai aur ab main yha hu 3 months se and i am still figuring out how to adjust with them, shayad jab tak 'pta chalega, wappis jane ka time aa jaega.
Whatever, so like other bhai-behen, me and my brother fights a lot, par kabhi kabhi we do talk, we share about apni stories, experience and all. So one good day when were not fighting and actually talking with each other, tab maine usko btaya ki, jab main chennai me thi to blog likhna shuru kiya tha, par jabse ghar aayi hu, time hi nahi milta and then he suggested, ki tere pass itni stories hai, why dont u pen them down. Initially i thought, ki theek hai, lets see, but then i realised that it is a very good idea, i should try this ( thoda to jaane lag gya hai ladka mujhe).
31st Dec, 2019:
Office se wapis PG jate hue mai soch rahi thi ki, how i spent my last new years with my frns in college, aur abki bar akele, chennai mein. I have no one to go out with, Par theek hai, kuch to kar hi lenge, lets see. Jab tak main pg pohchi, i decided, ki mast sone wali hu, as i didnt sleep last night aur itne me hi meri PG warden n bola ki hum log sab milke cake cut karenge, sona mat. Ab point ye tha, ki agar me so gai to m 12 baje nahi uth paungi aur nahi soi to fir problem hogi, but then it was a holiday next day, to kya hi fark padta hai, so i decided to stay awake without knowing its after effects. At 11 pm, i went out aur dekha meri warden, rangoli bana rahi thi, aur unhone 15 min me puri rangoli bna bhi di. I always wondered how these south indians do it daily, after seeing my warden, i realised it how do they do it. They are really fast. Hum kuch 7 to 8 girls thi, we clicked photos with rangoli aur fir sab apne room me chale gaye. We were supposed to come out at 11:45 pm and i was suppose to bring my small speaker. At 11:50 pm, m bahar gayi and then, 12:00 baje, har jagah se shor, patakho ki awaz, mere speaker ke gaane aur wo tasty cake. hum sab zor se chilaya happy new years sabko cake khilaya , khud khaya bhi and it was nice. Ab bari thi dance karne ki, to m to hu besharam, mauka chahiye nachne ka, main wai shuru ho gayi aur baki sab dekhne lage. Then we decided to go to roof and dance. It was 12:30 am in night, we 5 girls and warden went to chaat, sbse upar wali and started dancing. It was windy, meri warden bhi dilbar dilbar pe thumke laga rahi thi aur hum maje kar rahe the. It was not great par ha mere expectation se to better hi tha. Hum sab last gaane pe nach hi rahe the ki itne me meri warden ne mujhse bola, ki ye chaar ladkiya sunrise dekhne mahabalipuram ja rahi hai, tumne bhi unke sath jana hai kya? Meri warden k kahane pe un ladiko ne pucha to sai par me unki hichak dekh aur mehsoos kar pa rahi thi aur waise bhi main un me se sirf ek ladki ko janti thi, to maine khudne hi unko mana kar diya aur socha, chodo, bohot hai aaj ke liye, mujhko kya pata tha ki bhagwan ne kuch aur hi soch rakha hai.
Ab sab thak gaye the aur me 2:00 am ko apne room wapis aa gayi. Ane ke baad socha ki, kya mai khud kabhi sunrise dekhne mahabalipuram jaungi? kya main apna first day soote hue bitaungi, nahi aur fir kya fark padta hai ki main unko janti hu ya nahi, i will enjoy my own aur ye sochte hue maine ussi ladki ko jisse main janti thi , phone kiya aur bola yaar main chalungi tumhare sath, bas utha dena, main soyi nahi hu 2 raat se. Usne bola 4 am tak uthaungi, 4:30 am tak chalenge. I was like ok, fine aur fir main so gayi. Ab me soi aisa ki mujhko koi hosh nahi hai aur meri aankh khuli 4:45 am pe. Khulte hi maine uss ladki ko phone kiya aur pucha:
me: tum chale gaye kya?
she: nahi abhi room par hi hai
Me: ok. par tumne mujhko uthaya kyu nahi?
She: Itna phone kiya tumko, tumhara gate bhi knock kiya par tum uthi nahi.
Me: Ok. Mujhko 5 min do, bas abhi ready hoti hu.
She: Nahi abhi nahi ja paogi tum
Clueless Me: Par kyu, tum to abhi room pe hi ho na, to me kyu nahi chal sakti?
Wierd She: Nahi car aane hi wala hai
Feeling wierd me: ha usse pehl ready ho jaungi, tum sab neeche aa jao.
She: Nahi tum nahi ja, paogi, acha ruko main tumhare room aati hu.
Me: ok. Aur me jhat se khadi ho gayi aur jitni der me wo mere room tak aayi, tab tak i was totally ready with full make up-shakeup, money and every thing.
She: Tum ready bhi ho gayi, maine kitna uthaya tumko, tum uthi hi nahi., Actually hum 4 log the aur tum uth nahi rahi thi isiliye humne chota car book kiya, par ab tum ready ho gayi ho, to bura lag rha hai bolne me.
I was shocked and devastated, for the very first time in my life, main 5 min me full ready thi jane ke liye but ab nahi ja sakti thi.
Sad Me: Nahi nahi koi baat nahi, tum log jao, no problem.
She: Arey mujhko bura lag rha hai,
Me: No, no its fine, u all go, i will sleep back.
Her frn : ohh!! u got ready also, ok come, we will adjust and go.
Me (in mind): Adjust, that too with me, not possible
Me: No, its fine u people go, i will just change and sleep.
She and her frn left. I was feeling bad aur jyada bura lag rha tha kyuki ye new year hai. Maine socha, Kya main apna new year aise buri tarah se start karungi? kya me ab taiyar hui, soke uthi hui, kapde change karke firse so jaungi? NO, NEVER, maine unko phone kiya aur pucha ki koi aur rasta hai mahabalipuram jane ka? kya iss time pe bus mil jaegi mahabali puram ki, uski frn ne bola ha, mil jaegi. Maine unko full excitment me bola chalo fir mahabalipuram milte hai. Mujhko bus tak pohochne ka idea tha, pta tha ki ek point tak cab lena hai aur uske baad shared auto jo bus stop pe utar dega aur fir wha se bus. EK nahi khushi ki lehar dod rahi thi mere andar, aur dodegi bhi kyu nahi, kafi din baad kuch adventorous karne ja rahi thi, par kya pata tha ki ye to srf trailer hai, asli adventour abhi baki hai.
With full excitment, i started searching for cab, koi cab nahi hai, me 15 min tak search kiya, kuch nahi mila, still i kept trying aur fir ek cab book hua, jsine 15 min baad ka pickup liya. theek hai koi baat nahi, atleast mila to. It was already 5:10 am aur main cab me baith gayi, aur maine ghar pe phone kiya.
Mummy: Tu soi nahi? kyuki itni jldi to tu nhi uthne wali.
Me: Na hi me soi aur guess karo me kaha ja rahi hu?
Shocked Mummy: Itni subh kha ja rahi hai?
Me: Mahabalipuram, aur wo bhi akele, abhi cab me hu, aur fir maine unko puri story btayi.
Mummy: Dekh ke, waha jake, unko mil lena, akele mat jana aur pta nahi kya kya!!!!
Me: Ha dekhte hai.
Aur fir maine socha, unse milna jarurui kyu hai, lets see, aur fir itne me baarish shuru ho gayi. Shit, na umbrella hai mere pass aur mahabalipuram me, barish me bina chaate ke koi faida nahi hai. Ab mai kya karu, agar ab wapis gayi to jyada bura lagega, ab to un ladkio ko bhi bol diya hai full confidence ke sath ki mahabalipuram me milte hai, ghr walo ko bhi bol diya hai, ab kya karu, kya cab wale bhaiya ko double paise deke bolu ki wapis chod do. Itni subh taiyar hona, excitement, ca dhundne ki mehnat, double paise aur fir pg wapis jake so jana, nahi ye idea bilkul bhi acha nahi hai aur socha dekhi jaegi jo hoga. Ab baat izzat ki thi, gumne ki nahi. Aur ab hum itni der me uss point pe pohoch gaye jha se shared auto leke aage jana tha. Itni barrish me aur itni subh koi bhi auto nahi tha, ye to maine phle socha hi nahi, par ab kya. Cabwale bhaiya kafi ache the, unhone kha, madam aap, cab me hi baithe rahiye, itni barish me kaha jaegi, jab tak auto nahi milta. humne 5 min wait kiya, aur maine unko kha, rhne do bhaiya, aap, yahi utar dijiye, koi baat nahi, to uss bhale insan ne, u turn leke, ek dukan pe utar diya. Bhagwan ki kripa se ek auto wale bhaiya, uss dukan me hi baithe the, cab driver ne tamil me unko bola ki inko bus stop tak chod do aur wo auto driver maan gye.
Ab me khush thi, ki chalo,, auto to mil gaya, ab to pohoch hi jaenge. Raste, auto me 2 aur log chade, worker lag rhe the. Ab shuru hota hai asli adventure, auto wale bhaiya ko sirf tamil aati hai aur muhko sirf english and hindi, aur baki do logo ko bhi shyd srf tamil hi aati thi, auto wale bhaiya tamil me mujhko samjha rhe hai, "ki barish bhot hai, bus stop pe shed nahi hai, maapko next bus stop pe chod dunga par waha bus khud nahi rukegi, apko rokni padegi", aur maine bina samjhe unko apni tooti phuti tamil me bola theek hai, jo sai lage. Ab tension shuru hui jab maine jis stop se bus lene ka pata tha wo bus stop cross kar liya tha aur ab mujhko samjh nahi aaya kya karu, jab tak m samjh pati ya kuch react karti, auto wale bhaiya ne next stop pe utar diya. Meri jaan me jaan aayi aur maine socha, "Chalo shukaar hai, kam se kam, koi khatra to nahi hai, auto wala sai hai, bas shayad unko samjh nahi aaya kaha autarna hai, is wajah se mujhko yha utar diya, chalo koi baat nahi." Maine unko paise diye aur m bus stop pe khadi ho gayi, abhi kuch 5:40 am baja tha subh ka aur kafi andjera tha, uss stop pe ki bhi nahi tha, maine kafi der wait kiya aur ehsas kiya ki ki bhi bus ruk nhi rahi thi, seeha ja rahi thi. Ab mujhko samjh aaya ki wo auto wale bhaiya kya khna chahte the, shit, ab me kya karu, itna andhera, spex bhi nahi lgaya hua, kuch samjh nahi aa rha kya likha hai bus pe , dkh bhi nahi rha bus h ya uch aur, An me kya karu. Firse mere dimag ke ghodo ne race lagani shuru ki aur maine socha ki main tamil nadu me hu, bus pe pehle tamil me likha aegaa, jab tak english me aega aur me kaise taise krke usse padh paungi tab tak bus chali jaegi, to isse acha, ab jo bhi bada vehicle dikhe usko sadak pe jake rok lungi. Jab tak me sochna khatam karti tab tak ek bus jaisa kuch aata dikhai diya, aur maine sochna chod kar, sadak ke beech me kud gayi aur usko rokne ki koshish ki. Maine aisa pehli bar kiya hai apni zindagi me, khair aaj bohot kuch pehli bar ho rha tha to ye bhi sai. Wo bus thi aur wo ruk bhi gayi, maine jaise taise krke unko bola mahabalipuram, aur unhone mujhko andar chdha liya, conductor bhaiya khud bonnet pr baith gye aur mujhko apni seat de di. Ab maine apne ek tamil frn jo ki india me nahi hai, usko whatsapp kiya aur btaya sab, usne mujhse pucha kaunsi bus hai? Shit, mujhko to pta hi nahi hai kaunsi bus hai, sab so rahe hao andra, deluxe types kuch lag rahi hai. ab me dar gayi. Darte darte maine conductor se pucha, ticket, he said no ticket, fuck, me bhot dar gayi. Usne bola just give 30 Rs, maine unko 100 Rs diya aur unhone tamil me bola change ilye, maine kha i have just 20 Rs change, unhon bola thhek hai, wai dedo. AB main aur darr gayi, ye ticket kyu nahi de rhe ahi, ye bus sai to hai na aur sochne lagi agar kalko kuch ho jata hai to mujhko to pta bhi nahi hai kaunsi bus hai, kha ja rhi hai, kaun log hai. Ab main kya karu. Darte darte maine conductor se pucha, ticket kyu nahi hai, wo bola ki AC bus ticket ilye. Maine apna phone dekha to usme 35% battery, ab maine socha, koi faida nahi hai kuch bhi sochne ka, na phone me battery waste karne ka. Lets see kha ajte hai aur kya hota hai. Actually shyd meri gakti nai hai, hum north indians ki adat hai shaqq karne ki. Jab tak main ye sab soch rhi thi itne me, driver ke samne wale sheeshe se orange color ki kiran dikhai di. Ab mere samne do hi raste the, ya to me darru aur pareshan ho jau ya me sun rise enjoy karu, to maine apne phone me maps khola aur uske baad mast sun rise enjoy kiya. It was so bright and clear, itna acha kabhi nahi laga. It was mesmerizing, meri neend se bhari aankhe khul gayi, dimag me jo sab chal rha tha, sab shant ho gya. It was beauty, it was nature. Sunrise se thodi der baad hi driver ne bola, mahablipuram highway, go aur me wha utar gayi. Utarne ke baad, bus ke peeche se padha to samjh aaya ki over night long route ki bus thi, jisne akela dekh kar chdha liya tha. Chennai me log ache hai. Atleast ab tak jo log mujhko mile hai is tour pe, sab ache hai.
Utar to me gayi thi par ab kha jau, mahabalipuram ke andar to thoda idea tha par highway se andar tak kaise jana hai, kaha jana hai kuch samjh nahi aa rha tha. Phone pe bhi battery kam thi, ab me kya karu? Itni hi der me mujhko 2 auto dikha, aur mujhko yaad aaya ki office me ki kisne btaya tha ki ek pure din ka auto karo wo sara ghuma deta hai, maine socha yai krte hai. Maine dono se rate pucha to ek ne bola 650 Rs aur dusre ne 450 Rs, par 650 Rs wale bhaiya ne bola mujho hindi aata hai. For sure, aur kuch nahi chahiye tha, ab aur koi panga nahi, hindi wala bhaiya ke sath hi jana hai, aur me apne sare north indian bargaining skills use krke unko 500 Rs m mana liya. Hum ajeeb hai, hum logo ko kafi kusi milti hai paise kam krane me, mujhko to proud ho rha tha, subh se jo bhi kiya abhi tak.
Auto me baith kar maine apni dost ko phone kiya jaanne ke liye ki wo log kha par hai, usne btaya ki wo shore temple par hai aur auto wale ne btaya ki hum wha last me jaenge, to theek hai waise bhi aab mere andar ek kism ka josh aur ullas bhar chuka tha to maine socha ki mai akeli hi ghumne jaungi. With full confidence and enthusiasm, i started my trip, aur maine ghumna shuru kiya.
Akele hi sahi, par acha lag rha tha, Maine shuru kiya ghumna, aas pass dekhna, Alag logo se baat karna. Thodi der me maine auto wale bhaiya ko bola ki nashta karna hai kai pe chod dijiye. Unhone mujhko ek restaurant ke samne chod diya. Andar jake pucha maine unse ki kya hai available, unhone bola, dosa, idli aur aloo ki sabzi puri. Tab mere andar ka naya janma south indian jaga aur maine unko bola ki el ghee podi dosa dene ko. wo meri zindagi ka sbse tasty nashta tha. Bahar ki barish ki thandak, garam garam ghee podi dosa, bas ab laga ki saal ki shuruat isse achi nahi ho sakti thi.
Breakfast krne ke baad, maine apni zindagi ka pehla umbrella kharida, kyuki mujhko chaate ki zarurat nahi padi. Uske baad maine baki jagah par ghumi, photos kheechi, logo se apni photos bhi click krai aur fir last me main shore temple pohochi. Pura temple ghumne ke baad, main sath wale sea shore pe gayi. Wha pe shopping ki, sabhi jagah jake sea ka maja liya. Whaa pe kafi maja kiya maine, sea side pe wo ring wale game nhi hote the jo hum bachpan me khelte the, wo bhi khela, jo man me aay akiya, thodi si bachkani harkate bhi ki. It was very joyous and full of satisfaction. Sabse ajeeb baat to ye thi ki maine barish ki wajahs e chata khola hua tha aur neeche se samundre ke pani se bheegi hui thi. pta nahi me kis duniya me thi, kin khayalo me khoi hui thi, par jo bhi tha sab bhot acha tha.
Ab maine socha ki wapis jana chahiye, to fir maine sara mahabalipuram ghumne ke baad, unhi auto driver ko bola ki mereko bus lena hai chennai ka, uske liye bus stop pe chod dijiye. Unhone mujhko wapis highway par hi chod diya, jha mujhko governemnt bus mil gayi. Jab maine bus conductor se ticket ka price puccha to unhone btaya ki 60 Rs, aur mujhko kafi hassi aayi ki subh to main 20 Rs me aa gayi thi wo bhi itne ache sun rise view ke sath. Ab maine socha ki wapis ka expense balance karne ke liye, main bus me hi hostel tak jaungi. wapis me mujhko ek north inidian couple mil gaye jisne baat karte karte raste ka pta hi nahi chla aur main apna tour pura karke wapis pg pohoch gayi 1:30 pm tak. Mujhko bheega dekh kar meri warden ne pucha ki kha thi tum, subh se tumko dhund rahe hai, fir tumhari jo dost mahabalipuram gayi thi usne btaya ki tum akeli mahabalipuram chali gayi ho, wo sunte hi maine unse pucha ki kya meri dost wapi aa gayi hai, aur unhone btaya ki ha wo apne kamre me hai. Maine apne room me ja kar, fresh ho kar , nha dho kar lunch lene gayi, tab mujhko waha meri wai dost mili. Unse maine pucha ki wo kab aayi, to uhone btaya ki wo 9:30 am ko hi wapis aa gayi thi, na hi un logo ne dhang se sunrise dekha, kyuki wo late ho chuke the, nah unhone baki jagah ghuma kyuki barish ho rahi thi aur wo log jaldi hi wapis aa gaye. Ye sunkar to meri khushi ka thikana hi nahi raha, isliye nahi ki wo ghum nahi paye par iss wajahs e ki acha hua main akeli gayi aur maine pure maje kiye. Isi khushi ke sah mai so gayi aur baki ka din apni neend puri ki.
Chehre pe itni khushi thi ki samjh hi nahi aa rha tha ki aisa kya kiya maine, ek satisfaction ki lehar, dil me confidence, chahe mahabalipuram jana koi badi baat nahi hai, shyd utna ghumne wali jagah bhi nahi hai, aur shayad akele mahabalipuram jana bhi utna bada kam nahi hai,bina soche, bina decide kare, bina kisi ki maddad se, ye sab karna mere liye bhot badi baat hai. Wo daar ka abhass, wo tamil na samjh pane ki confusion, wo driver mirror se sunrise dekhne ka sukh, wo garam ghee podi dosa, wo sea side ke games, wo barrish, sab bhot khubsurat experimce tha mere liye. to aise kiya maine apni life ka pehla solo trip or tour (jo bhi kehlo) aur aise kiya spend maine Day 1 of 2020.
